Akeanon news: DTI magahiwat it sesyon sa pagnegosyo sa Aklan

Wednesday, May 25, 2011

Akeanon news: DTI magahiwat it sesyon sa pagnegosyo sa Aklan

KALIBO, Aklan, May 25 (PIA) -- Sangka sesyon sa impormasyon sa pagnegosyo sa mga Free Trade Areas (FTAs) nga programa, ukon sektoral nga tikang para sa Food ag Gifts, Decors ag Housewares ro pagahiwaton iya sa Mayo 7, 2011 sa Hernani’s Mix and Match sa Kalibo, Aklan.

Ro aktibidad hay pagahiwaton it Department of Trade and Industry (DTI) kaibahan ro Bureau of Customs (BoC) ag Tariff Commission (TC) .

Tuyo it aktibidad nga ma engganyo ag mapasayud ro mga negosyante, akademya, mga ahensya it gobyerno, customs brokers, freight forwarders ag iba pa nahanungod sa Free Trade Agreements (FTA) nga ginhiwat it Pilipinas kaibahan ro Australia, New Zealand, ASEAN, Japan ag China.

Bangud sa rayang mga FTAs, ro mga produkto ag serbisyo it Pilipinas hay makasukoe eon sa rayang mga nasyon.

Suno kay DTI-Aklan Provincial Director Diosdado P. Cadena, Jr., may mga presentasyon nahanungod sa pagbuhin sa taripa ag mga sueundanon sa ginahalinan sa an-um (6) nga mga FTAs nga gina implementar makaron it Pilipinas.

Kaibahan kara ro Philippine-Japan Economic Partnership Agreement (PJEPA), ASEAN Free Trade Area, ag ASEAN Regional FTAs nga ASEAN-China, ASEAN-Japan, ASEAN-Korea ag ASEAN Australia-New Zealand FTAs.

Ro ASEAN-India hay iga implementar man sa dag-on ngara.

Paga istoryahan man ro oportunidad sa mga baealigyaan para sa Food and Gifts, Decorative & Houseware Sectors sa Free Trade Areas nga pagakumpunihan it Industry Snapshot, World Demand, Philippine Exports sa mga FTA markets, hueay it Philippine Exports sa World Imports, mga uso sa konsumidor, mga espesyal nga ginatutukan nga produkto nga pagkaon ag iba pa.

Kurundaya eamang, naghiwat man ro DTI iya sa Aklan it Micro, Small and Medium Enterprise Development Council (MSMEDC) planning workshop agud ikabutang ro lokal nga mga plano it probinsya suno sa mga produkto nga ginahimo iya. (JSC/VGV-PIA 6 Aklan)

Cabatuan.com - Kasimanwa.com - Diosdado Cadena Jr.