Aklanon news: Consumer Forum sa Aklan nadayon bisan may bagyo

Friday, October 14, 2011

Aklanon news: Consumer Forum sa Aklan nadayon bisan may bagyo

ni Venus G. Villanueva

KALIBO, Aklan, Oktubre 14 (PIA) -- Sa pihak it ginakahadlukan nga daea nga mabaskog nga uean ag hangin nga mahimo daehon it Bagyong Ramon ku Oktubre 12, nadayon man gihapon ro Forum on Consumerism sa ACP Centerpointe sa Kalibo nga mabuhay eot-a a gintaeana it DTI antes pa gin anunsyo nga may bagyo nga maabot sa isla it Panay pati eon ro Aklan.

Suno kay DTI-Aklan Provincial Director Diosdado P. Cadena, Jr., haeos katunga eang sa ginsaligan nga numero it maga abot nga mga pumaeasakop ro nag atender sa ginhiwat nga Consumer Forum, pero kumpleto ro mga nag-abot nga resource speakers.

Ginsugid ni Cadena nga ro nag-abot halin sa Department of Agriculture nga resource speaker hay si Regional Technical Director Remelyn Recoter, nga nag hambae nahangod sa seguridad sa pagkaon partikular sa mga programa para sa Rehiyon 6, nga nagakaangay gid sa tema makaron nga ôSapat, Ligtas at Abot-Kayang Pagkain Para sa Lahat".

Euwas kay Recoter, nag-abot man si Delia Tarrosa it Department of Health-Food and Drug Administration, ag si Meegen Joy Jerez, Acting Consumer Arbitration Officer.

Ginpaabot ni Jerez kon paano batunon ro mga reklamo may kaangtanan sa bueong ag pagkaon, kon paano ra patung-an ag kon paano resolbahon.

Ro mga resource speakers pa nga iba hay sanday Heherson Alvarez it Department of Environment and Natural Resources (DENR), ag Deana Ruiz ag Rene Retiro it DTI-Aklan.

Si Ruiz hay naghambae nahanungod sa Consumer Code of the Philippines ag mga diretso it mga konsumidor.

Si Retiro hay nagpaabot ma it informasyon nahanungod sa Product Standards.

Euwas sa Consumer Forum, pila pa gid nga mga aktibidades nga ginahiwat makaron nga buean it Oktubre it DTI hay rong pagmonitor it presyo it mga nagapanguna nga baeakeon ag paghanbas sa husto nga paghanas sa pagbaton it reklamo it mga konsumidor. (JSC/VGV-PIA 6 Aklan)

Cabatuan.com - Kasimanwa.com - Diosdado Cadena Jr.