Aklanon news: DTI ag Aklan PMSMED council magahiwat it enhanced caravan

Aklanon news: DTI ag Aklan PMSMED council magahiwat it enhanced caravan

By Venus G. Villanueva, Thursday 28th of June 2012

KALIBO, Aklan, Hunyo 28 (PIA) -- Sangka "enhanced" Small and Medium Enterprise (SME) Caravan ro pagahiwaton sa Aklan it Department of Trade and Industry (DTI) ag Aklan Provincial Micro, Small and Medium Enterprise Development (PMSMED) Council sa maabot nga Hulyo 18-20 sa Ati-atihan Festival Hostel and Conference Center sa Kalibo.

Rayang aktibidad, suno kay DTI-Aklan Provincial Director Diosdado Cadena Jr., hay sa pag selebrar it National Micro, Small and Medium Enterprise Development Week, nga ginapanan-aw nga magatipon it masobra sa sanggatos (100) nga Micro, Small and Medium Enterprises (MSMEs) sa probinsya.

Ginhambae ni Cadena nga ro tatlong adlaw nga caravan hay magahiwat it mga aktibidad pareho kung Entrepreneurs’ Forum nga pagahiwaton sa Hulyo 18, Seminar sa Effective Trade Center/SME Showroom Management and Visual Merchandising sa Hulyo 19, ag Consultancy on Food Packaging and Labeling, Skills Demonstration on Advanced Beadworks ag Seminar man sa Wealth Management, nga tanan hay pagahiwaton sa Hulyo 20.

Mangin lugar ro Entrepreneurs’ Forum para sa pagbaeayluhan it mga mapuslan nga mga impormasyon it MSMEs sa mga programa ag serbisyo nga ginatanyag it Aklan PMSMED council sa mga negosyante kon siin may mga "advisory sessions-one-on-one consultations" sa mga pumaeasakop.

Sa iba nga mga aktibidades, ro maga lecture hay magahalin sa Philippine Trade Training Center (PTTC), Cottage Industry Technology Center (CITC) ag International Marketing Group.

Sa nasambit nga caravan, ro mga pumaeasakop hay libre nga magpili ku andang paga entrahan nga topiko.

Suno kay Cadena, ro masayuran sa mga pagahiwaton nga konsultasyon, lectures ag workshops hay maga improbar ku andang kapabilidad sa pagmanehar ku andang negosyo. (JSC/VGV-PIA6 Aklan)

Cabatuan.com - Kasimanwa.com - Diosdado Cadena Jr.