Aklanon news: Mga ha-inspeksyon nga helmet sa Aklan, sobra eong 6,000

Aklanon news: Mga ha-inspeksyon nga helmet sa Aklan, sobra eong 6,000

By Venus G. Villanueva, Saturday 13th of October 2012

KALIBO, Aklan, Oktubre 13 (PIA6) -- May kabilugan nga 6,105 eon nga mga helmet ro hapa inspeksyon it mga tag-ana sa Department of Trade and Industry (DTI), suno sa pinaka-ulihi kara nga lista.

Ro pag inspeksyon it mga helmet nga nag-umpisa ku Hulyo it dag-on ngara, hay may kaangtanan sa ginapatuman it gobyerno nga laye sa idaeum it Republic Act 10054 nga naga mando sa tanan nga mga tag-ana it motorsiklo nga mag gamit it “standard protective helmet” agud ma proteksyonan sanda sa disgrasya.

Bangud kueang-kueang lang nga ap-at (4) nga buean ag matapos eon ro pag-inspeksyon sa Disyembre 31 it dag-on ngara, uman nga nagpanawagan si DTI-Aklan Provicial Director Diosdado P. Cadena Jr. sa mga Aklanon nga ipa-inspeksyon eon ro andang mga helmet.

Suno sa DTI base sa gintao kanda nga impormasyon it Land Transportation Office (LTO), may 17,000 nga mga rehistradong mga motorsiklo sa probinsya it Aklan.

Katumbas man ku numero ngara ro mga helmet nga dapat ipa inspeksyon, ag dugangan pa it tig-sambilog para sa mga "back riders."

Sa makaron, may 62 nga brand it mga helmet nga may Import Commodity Clearance (ICC) nga ginahambae nga “standard protective” it DTI ag it Department of Transportation and Communication (DOTC) ag sambilog nga himo mismo sa Pilipinas nga may marka nga Product Standard ukon PS. (JSC/VGV-PIA 6 Aklan)

Cabatuan.com - Kasimanwa.com - Diosdado Cadena Jr.