Cebuano News: Bag-ong Iloilo Airport mag-abli sa Hunyo 13

PIA Press Release 2007/06/05

Cebuano News: Bag-ong Iloilo Airport mag-abli sa Hunyo 13

Ni Rebecca Cadavos

Manila (5 June) -- Ang bag-ong Iloilo Airport moabli sa unang komersyal nga pagbyahe ug inagurasyon karong Hunyo 13.

Si Rafael Coscolluela, ang presidential adviser sa Western Visayas nag-ingon nga si Transportation Secretary Leandro Mendoza naghinlo na sa airport aron magsugod na sa mga operasyon. Si Presidente Macapagal-Arroyo gikatakda nga moapil sa inagurasyon sa airport, si Coscolluela nagtahu sa estasyon sa radio DyFM. Ang inagurasyon ug pag-abli sa New Iloilo Airport dugay nang nalangan.

Si Ms. Arroyo gikatahong nagtakda ug pag-abli sa airport niadtong Abril 16 apan tungod sa gipahigayon nga malisod nga pag-opera sa kasingkasing ni First Gentleman, siya nagkansela sa iyang byahe sa Iloilo.

Si Bassi Cebuano, staff sa Air Transportation Office (ATO) nagtahu nga ang mga kompaniya sa airlines nagsugod na sa pagbalhin sa ubang mga kagamitan gikan sa kasamtangang Iloilo Airport sa distrito sa Mandurriao sa syudad ngadto sa New Iloilo Airport nga panag-iya. Si Cebuano miingon nga ang ATO personnel ug mga opisina magsugod sa pagbalhin karong Hunyo 7.

Si National Economic Development Authority Regional Director Arturo Valero nagtahu nga ang bag-ong airport magsilbing agi-anan sa mga byahero sa kawanangan sa Visayas dinhi sa nasud ug sa tibuok kalibutan.

"Ang pagbalhin makahimo ug dakong pag-usbaw sa sektor sa tigpapatigayon," matud pa ni Valero.

Ang gobyerno nagplano sa pagbaligya sa kasamtangang 54-ektarya nga Mandurriao airport. Sa pagbisita sa dili pa lang dugay, si Ms. Arroyo nagpahayag sa iyang kasigurado nga ang pagsirado ug paghimong pribado sa Mandurriao nga pasilidad maka-usbaw sa lokal nga turismo ug ekonomikanhong aktibidades.

Ang bag-ong airport adunay runway nga 2.5 kilometro kataas ug 45 ka metros nga kalapdon, usa ka terminal sa mga pasahero nga adunay 12,000 metro kwadrado nga lugar, ug 1,281-metro kwadrado nga terminal sa kargamento. Ang airport maka-accommodate sa dungang unom ka sakyanan sa kawanangan sa samang soras. (PIA-Maasin)



CABATUAN INTERNATIONAL AIRPORT
Cabatuan, Iloilo, Philippines

Cabatuan.com - Timeline 2007