Cebuano News: Mayo 28 gideklara nga National Flag Day

2010/05/27

Cebuano News: Mayo 28 gideklara nga National Flag Day

Manila (May 27) -- Gipirmahan ni Presidente Gloria Macapagal Arroyo ang Mando Administratibo #284 nga nagmando sa National Historical Institute (NHI) aron mang-una sa pag-organisar ug pag-implementar sa ika 112th anibersaryo sa proklamasyon sa Philippine Independence sa Junyo 12, 2010. Ang tema karon tuig mao "Kalayaan: Tagumpay ng Bayan."

Si Exec. Director Ludovico Badoy miingon atol sa unang pormal nga tigum sa TWG, ang kasaulogan sa adlaw sa bandila kon National Flag Day sa Mayo 28 magsugod sa Independence Day karon tuig. Si Dep Ed Secretary Mona Valisno maoy mangulo sa flag day program nga mitakdo sa Battle of Calapan sa Cavite kauban sa mga opisyales sa kagamhanan lokal sa Imus, NHI ug mga miyembrong ahensiya sa Junyo 12 NOC ug ang mga tinun-an.

Gipagawas ni DepEd Sec. Valisno ang Memo Order # 210 nga nagmando sa tanan tulunghaan sa tibuok nasud aron sa pagpasundag sa Philippine Flag gikan sa Mayo 28 hangtod Junyo 12, 2010.

Sa pikas nga bahin si DILG Usec Austere Panadero mipagawas usab sa Memo Circular # 35 nga nag-awhag ang tanan hepe ehekutibong lokal sa paghimo ug simpleng apan makahuluganong mga kalihukan sama sa flag raising ceremonies, wreath laying sa pagpasidungog sa atong mga nasudnong ug lokal mga bayani uban sa pagpasundayag sa nasudnong bandila sa tanan buhatan sa kagamhanan, kalsada, public parks, hospitals, restaurants hotels, department stores, malls, ug mga bangko sugod sa Mayo 28 ngadto sa Junyo 12, 2010. (pia9-pagadian)

Cabatuan.com - Kasimanwa.com - Austere Panadero