Cebuano news:DILG, DOH, NAPC mipirma sa IRR pag-implementar sa “Sagana at Ligtas na Tubig sa Lahat”

Wednesday, May 18, 2011

Cebuano news:DILG, DOH, NAPC mipirma sa IRR pag-implementar sa “Sagana at Ligtas na Tubig sa Lahat”

ni Claro A. Lanipa

PAGADIAN CITY, May 18 (PIA) - - Ang Department of Interior and Local Government (DILG), Department of Health (DOH) ug ang National Anti-Poverty Commission (NAPC) ning bag-o lang hiniusang mipirma sa Implementing Rules and Regulations (IRR) alang sa implementasyon sa programang "Sagana at Ligtas na Tubig sa Lahat."

Usa kini ka programa ni Presidente Benigno S. Aquino III sa patubig ug sanitasyon alang sa mga lungsod nga walay igong sistema sa patubig sa tibuok nasud.

Si DOH Secretary Enrique T. Ona, NAPC Secretary General Jose Eliseo Rocamora ug DILG Undersecretary for Local Government Austere Panadero nga nagrepresentar kang Secretary Jesse Robredo mipirma sa IRR nga nagbutyag sa kalagdaan sa pag-implementar sa maong programa.

Ang kalagdaan sa pag-implementar adunay mga istratehiya sa pagkab-ot sa tumong sa programa nga naglangkob sa mga takus nga mga proyekto ubos sa maong programa; institutional arrangements alang sa programa; ang dagan sa proseso sa programa lakip ang mga palakaw nga kinahanglanon ubos sa matag ang’ang; pamaagi sa pag-disburse sa pondo; ug mga paagi sa pagkab-ot sa mga butang ug serbisyo nga gikinahanglan sa sub-projects.

Ning milabay'ng tuig, ang DILG, DOH ug NAPC mipirma sa Memorandum of Agreement (MOA) alang sa implementasyon sa programa sa patubig ug sanitasyon sa Presidente.

Ang programa nga gitawag “Sagana at Ligtas na Tubig sa Lahat” gitumong sa paghatag ug dugang serbisyo sa patubig ngadto sa 155 nahaunang mga lungsod sa tibuok nasud nga walay igong sistema sa patubig. Kining mga lungsod adunay ubos sa 50 porsiento sa mga lumulupyo nga nakapahimulos sa serbisyo sa patubig.

Dinhi sa Zamboanga Peninsula Region (Region 9) adunay 16 ka mga lungsod nga wala pay igong serbisyo sa patubig. (JPA/CAL PIA9-Zambo Sur)

Cabatuan.com - Kasimanwa.com - Austere Panadero