Hiligaynon News: Outstanding nga mga estudyante sa Iloilo pagapasindunggan

PIA Press Release 2010/03/12

Hiligaynon News: Outstanding nga mga estudyante sa Iloilo pagapasindunggan

Iloilo City (12 March) -- Natalana nga pasidunggan ang mga eskuela kag estudyante nga napilian bilang Ten Outstanding Elementary Pupils (TOEP) kag Ten Outstanding Secondary School Students (TOSSS) sang Iloilo para sa tuig 2009-2010 sa isa ka seremoniya sa Marso 19, 2010 sa Monfort Hall sang Department of Education, Lapaz, Iloilo City.

Pagapangunahan ni Dr. Raymundo Lapating, Superintendent sang DepEd Division of Iloilo Schools Division ang presentasyon sang sitasyon kag padya sa mga eskwelahan, tagtudlo kag sa 20 ka awardees.

Ginapangunahan ni Leo Emmanuel Sombiro sang Solomon Integrated School de Iloilo ang awardees sa bahin sang elementarya kag Bryan Eric Cerebo sang Sta. Barbara National Comprehensive High School sa bahin sang sekondarya.

Ginhingadlan si Sombiro bilang Most Outstanding Elementary Pupil kag si Cerebo bilang Most Outstanding Secondary School Student of Iloilo para sa academic year 2009-2010.

Ginalakipan ang iban pa nga awardees sa elementarya nanday Lorenzo Jose Baquiran sang Jaro I Elementary School, Sharmaine Grande sang SPED-Integrated School for Exceptional Children, Magin Benedict Ferrer sang St. Joseph School (Iloilo), Inc. Mary Beatrice Bagaforo sang West Visayas State University-ILS, Jason Anthony Supena sang Sto. Domingo Elementary School, Danelle Jeriene Soriano sang Sta. Barbara Central Elementary School, Rae Dawn Vales sang Cabatuan Elementary School, Rose Jade Eugenie Delgado sang Colegio de San Jose kag Mary Felnoe Suarez sang Oton Central Elementary School.

Sa bahin sang sekondarya, ang iban pa nga awardees ginalakipan nanday Brian Michael Moses Mejorada sang Central Philippine University, Jeremiah Claudine Calacal sang St. Joseph School, Jerenney Real sang Colegio de San Jose, Stessi Marie Geganzo sang Iloilo National High School, Paolo Lorenzo Tirador sang PAREF-Westbridge School for Boys, Jerry Ian Leonida sang University of the Philippines High School sa Iloilo, Karl Francis Chan sang Iloilo Scholastic Academy, Martin Erick Gumban sang West Visayas State University-ILS kag Estela Marie Lapastora sang SPED-Integrated School for Exceptional Children.

Isa ka tuigan nga hilikuton sang Outstanding Students Circle of Iloilo sa koordinasyon sa DepEd ang search for the TOEP kag TOSSS sa Iloilo nga nagatuyo pasidunggan ang academic excellence, leadership kag school or community involvement sang mga estudyante. (PIA)

Cabatuan.com - Timeline 2010