Cabatuan Airport nalakip sa Open Sky Policy sang Gobyerno Hiligaynon news: Mga sektor ginhangkat sang gobernador sa pagbulig ganyat sa mga investors PIA Press Release Saturday, April 23, 2011 Hiligaynon news: Mga sektor ginhangkat sang gobernador sa pagbulig ganyat sa mga investors ni TWVillavert ILOILO, Apr. 23 (PIA)---Ginpabutyag ni Governor Arthur Defensor, Sr nga kinahanglanon gid ang pagbuylog sang tanan para sa pagganyat sang mga “investors” para magpundaar sang ila negosyo diri sa syudad kag probinsya sang Iloilo. Ini ang tenor sang pahayag sang gobernador sang sya gin interview sang isa ka lokal nga waragwagan sang siya ginpamangkot kon ano ang iya matugda sa report nga ang Iloilo Airport sa Cabatuan nalakip sa open sky policy sang gobyerno. Suno kay Defensor ina mangin isa ka oportunidad nga maangot an gang Iloilo sa lokal kag international markets kag makapadugang sang mga investors, bisita kag mga turista apang ginpamangkot sang gobernador kon “handada bala kita?” Ang buot ipaabot sang gobernador nga dapat aton masarangan man ang paghatag sang kasulhay para sa aton mga bisita, investors kag mga turista tungod may kakulangan kita katulad sang mga five star hotel, wala kita sang bastante nga suplay sang tubig, kag madamo pa nga iban. “Isa ini ka makabig “business decision” kag magadepende ini sa sahi sang business situation ang may yara sa syudad kag probinsya sang Iloilo”, hambal ni Defensor. Hambal ni Defensor nga indi man naton mapilit ang mga investors nga magtukod sila sang five star hotel diri kon wala man sila makita nga kaayohan sa ila negosyo diri. Nagalaom si Defensor nga ang syudad kag probinsya sang Iloilo sa bulig sang pangulohan nasyonal makapangita sang mga solusyon ukon sabat sa sini nga mga kahimtangan. Samtang ginpahayag sang Malacanang nga wala sang dapat kahangaw-an ang mga local airliners nga nagpamalabag sa pag isyu sang executive orders nga maga hatag ligwa sa pag liberalize sang aviation industry sa pungsod, tungod ang nahinambitan nga polisa makahatag benpisyo sa pungsod. Sa napahayag sang Malacanang press report, si President Benigno S. Aquino III nag isyu sang nagligad nga bulan sang EO 28 nga nagakilala sa Philippine air negotiating panel subong man sa EO 29 nga naga hatag autoridad sa Civil Aeronautics Board kag sa Philippine Air Panels sa pag duso sang liberalization policy. Gin pahayag sang Presidente nga kinahanglanon gid nga ma-engganyo ang iban nga mga sakayan sa kahanginan sa pagsulod sa Pilipinas para man sa kaayuhan kag benipesyo sang mga biyahero , suno sa Malacanang press report.(JCM/TWV/PIA6-Iloilo) (Bookmark this page for future reference) CABATUAN AIRPORT Cabatuan.com - Timeline 2011 Cabatuan.com