Waray-Waray News: PGMA nanguna han pormal nga pag-abri han ika-15,000 nga Botika ng Bayan ha Iloilo

PIA Press Release 2009/09/24

Waray-Waray News: PGMA nanguna han pormal nga pag-abri han ika-15,000 nga Botika ng Bayan ha Iloilo

Cabatuan, Iloilo (24 September) -- Matapos han iya tulo ka-adlaw nga pagbisita han tulo nga mga nasud han langyaw, hi Pangulo Gloria Macapagal-Arroyo in deretso bumalik han iya mga trabahuon kun diin nanguna hiya dida han pormal nga pag-abri han ika-15,000 nga Botika ng Bayan dinhi yana nga kulop.

An Pangulo in mapaso nga gintapo ni Iloilo Governor Neil Tupas, Sr. ngan Health Undersecretary David Lozada, Jr.

Katapos makikipag-uroestory hiya han mga benipesaryo han Botika ng Bayan nga mag-uobserba han pamaligya han medisina dida hini nga Botika.

Katapos han pormal nga pag-abri, an Pangulo in maderetso ngadto hin usa nga panmakiana han mga taga-media ngan katapos maatinder han reception nga pangungundahan nira Cabatuan Mayor Ramon Yee, Tiring Barangay Captain Genovevo Monticado, ngan Department of Health (DOH) Regional Director Ariel Valencia.

An Botika ng Bayan in usa nga programa nga pinangundahan han gobyerno dida han 2001 para mapaharuhamubo hin katunga han presyo an mga kumon medisina nga ginpapalit han mga kablas ngan malahimuon nga kun diin maihahatag ini ha bug-os nga nasud pinaagi hin usa nga distribution network nga gindeterminar han DOH ha koordinasyon han Philippine International Trading Corp. (PITC).

Ini in kaparti han Half Priced Medicines Program kun diin an gobyerno in nagtindog han Pharma 50 unit, usa nga adhoc unit nga ha pagkayana in gintatawag nga National Drug Policy-Pharmaceutical Management Unit (NDP-PMU 50).

Pinaagi han Botika ng Bayan nga programa, an pagpahabubo han mga presyo han druga ngan medisina in natuman kun diin pwede makatirok hin maabot 62% kumpara ha mga kilala nga brand. (PIA-8/translated by maa)

Cabatuan.com - Timeline 2009