Waray news: Malacanang nag ngaran hin mga bag-o nga opisyales han gobyerno

Waray news: Malacanang nag ngaran hin mga bag-o nga opisyales han gobyerno

Wednesday 7th of March 2012

MANILA, March 7 (PIA) -- Hi Pangulo Benigno S. Aquino III in nagtudlok hin bag-o nga mga opisyales han gobyerno para hin magkalain-lain nga posisyon ha National Archives of the Philippines, Presidential Management Staff (PMS) ug ha hudikatora.

Durante han regular press briefing ha Malacanang han Martes, hi Presidential Spokesperson Edwin Lacierda in nagpasabot nga hi Pangulo Benigno S. Aquino III in nagtudlok kan Virginia E. Darlucio kumo deputy executive director han National Archives of the Philippines. An iya termino ha opisina in magigin kadungan han nagtudlok nga otoridad.

Hi Lacierda in nagsering pa nga hi Ana Maria A. Cadena in gintudlok kumo Assistant Secretary han Presidential Management Staff, nga nagbalyo kan Racquel De Guzman-Buensalida.

An iba nga gintudlok ngadto ha PMS in nag-uupod kanda Clemencia A. Cabugayan kumo Director IV; ug Cherry Pie Felisse M. Maraya kumo acting Director III.

Hiya in nag-anunsyo pa han pagtudlok han Pangulo han lima nga mga huwes ha hibubo nga korte nga amo an masunod:

--- Judge Leandro C. Catalo ngadto ha Regional Trial Court (RTC) Branch 256 han Muntilupa City. Hiya in nagserbe kumo assistant prosecutor ha iba iba nga mga syudad tikang 1989 ngadto 2007 ug huwes han RTC-Borongan, Eastern Samar tikang 2007 ngadto 2011. Antes hini nga appointment, hiya in nagserbe kumo acting presiding judge han Muntinlupa RTC tikang 2011.

--- Judge Marie Lynn L. Andal in gin ngaranan kumo presiding judge han Metropolitan Trial Court (MTC) Branch 92 han Marikina City. Hiya in nagserbe kumo clerk of court ha Batangas RTC tikang 2005 ngadto 2007 ug assistant prosecutor ha Batangas ngan Antipolo City tikang 2007 tubtob han iya appointment.

--- Judge Suzanne Cobarrubias-Nabaza in gintudlok ngadto ha MTC Branch 93 han Marikina City. Antes han iya appointment, hiya in nagin abogado han korte han Court of Tax Appeals (CTA) tikang 2004.

--- Judge Maria Cecilia Ty-Pantua in gintudlok ngadto ha MTC Branch 94 han Marikina City. Hiya in nagtrabaho kumo Legislative Staff Officer ha Office of the Councilor ha Quezon City tikang 2002 ngadto 2004. Hiya in nagtrabaho gihapon ha Court of Appeals (CA), Department of Environment and Natural Resources (DENR), Roman Catholic Archbishop of Manila, Associate, Sering Evangelista Lao and Associates Law Office ug Court of Appeals (CA).

--- Judge Shirley L. Magsipoc-Pagalilauan in gin ngaranan kumo presiding judge han MTC Branch 95 han Marikina City. Hiya in nagtrabaho kumo accountant ha iba iba nga mga kompaniya tikang 1990 ngadto 2001; branch clerk of court han Manila RTC tikang 2001 ngadto 2011 ug court attorney ha CA tikang 2011 tubtob han iya appointment. (translated by GTT/PIA8/PCOO online news)

Cabatuan.com - Kasimanwa.com - Diosdado Cadena Jr.