KAILONG PUGAD ni Flavio Zaragoza Cano Ang pispis sang gugma sing pugad sumab-it Sa sanga sang kagha nga lunsay salait; Humuyup ang hangin nga labing mangitngit, Kailo ng pugad sa duta nawigit. Sang akong gugma amo’ng halimbawa Ang kailong pugad sa sanga ang kagha; Humuyup ang hangin sang imo pagdaya Ang pugad nahulog, inanud sang luha. Kong ikaw mangilin nga ang pugad malugdang, Sagupa man anay sa higa sang pangpang, Kay kon mapatakas sang imong pagtabang Sa dughan mong puti masang-at na lamang. (Courtesy of Cab@1)